Presidenti i ri i Shqipërisë, Ilir Meta, ka dhënë një tjetër version në studion e “Opinion”, ndryshe nga ajo që ka deklaruar Ben Blushi më herët, lidhur me sherrin në shkollë të mesme.
Ke pasur marrëdhënie të këqija me Ben Blushin?
Meta: Jo nuk e mbaj mend. E mbaj mend në shkollë të mesme. Dhe marrëdhëniet tona kanë qenë shumë të mira. Unë kam qenë shumë i dashur. Kemi qenë bashkë te “Sami Frashëri”.
Historia
Gjatë një interviste mediatike të bërë në datën 07 mars 2016, në “INtv”, ndërsa fliste për marrëdhëniet e tij me Metën, deputeti Ben Blushi ka treguar, ndër të tjera, një zënkë me grushte me ish-shokun e shkollës.
“Histori të vjetra”, e ka nisur rrëfimin Blushi, duke vijuar: “Me Ilir Metën kemi vetëm dy gjëra të përbashkëta, që kemi qenë të dy gjimnazistë dhe që të dy i kemi selitë e partive tek rruga “Sami Frashëri”. Është koicidencë”.
Dhe më tej: Ka qenë një zënkë me Ilir Metën, kemi qenë shokë klase. Atëherë s’fisnim për politikë, do ketë qenë një gjë shumë banale që mua s’më kujtohet, sherr klase, por unë di që për atë shkak jam përjashtuar dy javë nga shkolla. Dhe s’besoj se do më ndodhë prapë që të zihem me Ilir Metën dhe të përjashtohem nga Parlamenti”.
