Fundjavat janë shumë më të bukura kur eksploron natyrën. Shumë pranë Tiranës ka vende të bukura që duhen vizituar. Sa më shumë ti promovojnë këto destinacione aq më mirë për ne por dhe për banorët e këtyre zonave që ndodhen shumë pranë Tiranës por janë akoma të pa eksploruar. Janë dy Priska, e Madhja dhe e Vogla. Janë fshatra fare pranë Tiranës në lindje të saj, që merren kryesisht me bujqësi dhe blegtori.
Kanë një reliev të butë kodrinoro-malor dhe të gjelbëruar. Rrugët mund të thuhet se janë të mira, pavaresisht se tek-tuk ka dale asfalti dhe duken gropat e lëna, por udhëtohet.
Peizazhi është i veçantë si në verë me gjelbërimin e thellë, por edhe na vjeshtë kur fillon e natyra përflaket. Nga kodrat e Priskës ka një panoramë mahnitëse ku vendin kryesor e zë Liqeni i Bovillës dhe Brari.
Është një destinacion turistik mjaft interesant për turizmin shoqëror dhe atë familjar.
Tani që peizazhi ndryshon nga i gjelbër në të kuqërremtë, bëhet shumë tërheqës.
Nuk është vetëm natyra, por edhe trashëgimia kulturore- etnografike, mënyra e jetesës dhe mbi të gjitha, prodhimet bio.
Le ta prezantojmë edhe Priskën si një destinacion të afërt turistik për kryeqytetasit dhe të tjerët. Priska ja ku është bashkë me bukuritë e saja.
