Varfëria është një nga problemet më të mëdha të njerëzimit, pavarësisht arritjeve të teknologjive dhe burimeve që janë të disponueshme. Bazuar në të dhënat zyrtare, në shtetin e Izraelit një në tre fëmijë jeton nën kufirin e varfërisë.
“Në raportin e përgatitur nga Këshilli Kombëtar për Sigurinë e Fëmijëve në kuadër të Qeverisë së Izraelit, i cili iu prezantua presidentit Reuven Rivlin, thuhet se numri i fëmijëve në Izrael ka arritur në 850 mijë dhe se ky numër përbën 33 për qind të popullsisë së përgjithshme të këtij vendi” -shkruan Anadolu Agency.
Në raport theksohet se një të tretat e fëmijëve në këtë shtet përpiqen të mbijetojnë nën kufirin e varfërisë.
Gjithashtu thuhet se 62 për qind e fëmijëve palestinezë shtetas të Izraelit, 20 për qind e fëmijëve të komunitetit hebre dhe 40 për qind e komunitetit fetar hebre, vazhdojnë jetën e tyre nën kufirin e varfërisë. Rajoni i Kudsit është rajoni më i varfër në Izrael, në raport thuhet se 37 deri në 53 për qind e fëmijëve të këtij rajoni jetojnë nën kufirin e varfërisë.
Gjithashtu bëhet e ditur se në kryeqytetin e Izraelit, niveli i fëmijëve të cilët jetojnë nën kufirin e varfërisë është vetëm 19 për qind. Sipas të dhënave të Qendrës zyrtare për Statistika të Izraelit, në këtë shtet me popullsi prej 8 milionë e 680 mijë banorësh jetojnë 1 milion e 808 mijë arabë muslimanë. Kjo përbën 20.8 për qind të popullsisë së përgjithshme.
Këta palestinezë të cilët janë shtetas të Izraelit, ankohen në mënyrë të vazhdueshme për diskriminimet që iu bëhën.
