Kryeministri i Izraelit mund të përfundojë në burg. Policia ka rekomanduar që kryeministri Benjamin Netanyahu të ndiqet penalisht, pasi dyshohet se ka përfituar nga ryshfeti, shmangia e taksave dhe thyerja besimi në vendin e tij.
Hetimi ndaj tij ka zgjatur 14 muaj lidhur me “çështjen e dhuratave”, për të cilën Netanyahu dyshohet se ka pranuar në mënyrë të paligjshme dhurata nga biznesmenë. Akuzat vijnë pas dy hetimeve të njohura ndryshe si “Çështja 1000” dhe “Çështja 2000”.
Në çështjen e parë, dyshohet se Netanyahu ka pranuar dhurata me vlerë mijëra dollarë nga biznesmenë. Ndërsa në rastin e dyte ai dyshohet se ka ushtruar ndikim në media për një mbulim sa më pozitiv, ndërsa në këmbim do të shtonte masat kontrolluese ndaj konkurrenteve të saj. TIRANA TODAY
