Izrael- Bennett njofton se do të bashkohet me opozitën për të formuar qeverinë e re izraelite, duke dëbuar kështu Netanyahun
Kreu i një partie të së djathtës Yamina Naftali Bennett mund të njoftojë që sot (e dielë) se do të bashkohet me udhëheqësin e opozitës Yair Lapid për të formuar një qeveri të ndarjes së pushtetit në Izrael.
Pse është e rëndësishme: Nëse formohet një “qeveri e re ndryshimi”, Bennett do të jetë kryeministër dhe do t’i japë fund sundimit 12-vjeçar të Benjamin Netanyahut. Një zhvillim i tillë mund t’i japë fund krizës politike që çoi në katër zgjedhje radhazi në dy vjet.
Tre javë më parë, Lapid ishte në prag të formimit të një qeverie për ndarjen e pushtetit që do ta sillte Bennett-in në postin e kryeministrit për dy vjet para se vetë Lapid të merrte detyrën. Por Bennett u tërhoq prej konfliktit të Gazës.
Bennett u takua me Lapid të enjten dhe sipas disa raporteve për shtyp i tha Lapid-it se ai donte të bashkohej në një qeveri të ndarjes së pushtetit, por ende ka ende nevojë të bindë anëtarë të tjerë të partisë së tij për këtë lëvizje.
Arabët në qeveri?
Kreu i Yamina-s Naftali Bennett, i cili dikur kishte kundërshtuar çdo bashkëpunim me partitë arabe, papritmas u deklarua i gatshëm të pranojë mbështetjen e tyre nëse kjo gjë është e nevojshme që ai të bëhet kryeministër, madje edhe me vetëm gjashtë vendet e tyre në Knesset (Parlament). Shumë prej votuesve të Bennett u zemëruan me këtë vendim. Ai kishte premtuar para zgjedhjeve se nuk do të merrte pjesë në formimin e një qeverie të re që përfshin partitë e majta. Tani, qeveria që ai propozon mbështetet jo vetëm te e majta, por te një parti arabe.
