Edhe pse urdhëroi një izolimi tre-javor në të gjithë vendin për të ndihmuar kontrollin e një shtimi dramatik të infeksioneve me COVID-19, Greqia ka pasur sërish rritje të rasteve.
Në 24 orët e fundit shteti fqinj regjistron plot 2,448 raste të reja me Covid-19, shifër kjo e paregjistruar më herët që prej nisjes së pandemisë.
Shumica e rasteve vijnë nga Atika me 493 dhe Selaniku me 683.
Njoftimi bëhet nga Organizata Kombëtare e Shëndetit Publik (EODY).
Sipas saj, 14 qytetarë kanë humbur jetën ndërsa 196 pacientë gjenden në terapi intensive.
Me shifrat e sotme, Greqia regjistron 52,254 raste infektimesh që nga nisja e pandemisë dhe 716 viktima.
