Shefi i diplomacisë serbe, Ivica Daçiç në një intervistë për një televizion serb ka deklaruar se në Maqedoni, ka mbisunduar opinioni se Serbia po punon kundër interesave të saj, por kjo sipas tij, është përgënjeshtruar disa hera dhe nuk ka asnjë të vërtetë këtu.
“Na paralajmërojnë nga BE-ja sepse e shfrytëzojmë termin Republika e Maqedonisë. ‘Kemi probleme në negociatat me BE’, thonë ‘duhet IRJM’. Na godasin në kokë që e njohim Maqedoninë nën emrin e saj kushtetues. Grekët zemërohen, BE-ja zemërohet, ndërsa Maqedonia voton për Kosovën në UNESCO. Dëshironi të jemi miq? Do të jemi, por kjo duhet të jetë e ndërsjellë”-theksoi Daçiç.
Ndërsa ka theksuar se “vetëm njeriu i verbër mund të besojë se është vendosur pikë në problemet e Ballkanit. Konfliktet rajonale do të zgjasin përderisa zgjasin edhe shkaqet e këtyre problemeve – nëse të gjitha problemet i vendosni nën qilim do të pengoheni pre tyre”- tha ai.
“Vallë janë larguar problemet për shkak të cilave filluan luftërat në Ballkan – jo nuk janë larguar. Kjo është vetëm intermexo mes të cilave disa përleshje të reja jo për shkak serbëve, por për shkak çështje të pazgjidhura në Ballkan. Nëse forcat e mëdha këtë nuk e kuptojnë këtë, ata bëjnë probleme, do të sillemi në rreth”-shtoi Daçiç.
Ai nuk ka lënë pa përmendur edhe presionet e forcave të mëdha të shteteve të cilat nuk e kanë njohur akoma Kosovën.“Rusia nuk do të lejojë që Kosova të bëhet anëtare e 0KB-së, sepse është e drejta të vetos”-përfundoi Daçiç.
