Presidenti i Maqedonisë, Gjorge Ivanov është shprehur kundër për sa i përket çështjes së gjuhëve të bashkësive etnike që jetojnë në këtë shtet.
Gjatë fjalimit të tij në Kuvendin e Maqedonisë, Ivanov tha se ligji për gjuhën shqipe po cenon karakterin unitar të shtetit. Ai përmendi disa pika të ligjit të propozuar, të cilat i cilësoi si kontestuese.
Ivanov u shpreh se propozimi i ri vë në pikëpyetje interesat e përhershme të Maqedonisë dhe popullit maqedonas, duke bërë kështu një përjashtim të popujve tjerë që jetojnë në këtë shtet.
Sipas tij, dygjuhësia është rregulluar në amendamentin 5 të Kushtetutës, respektivisht në Marrëveshjen Kornizë të Ohrit.
Ivanov kritikoi edhe aspektin e flamurit evropian për këtë ligj, duke thënë se ligjet e këtilla janë direktivë nga BE-ja që ky ligj nuk e ka dhe se me këtë Maqedonia i vë kushte vetes për anëtarësim në BE.
