Ndeshja nisi me një minutë heshtje për vdekjen e ish mbrojtësit italian Davide Astori. Të gjithë futbollistët italian dolën në fushë fillimisht me fanellën numër 13 në nder të ish-shokut të tyre Astorit.
Gjithsesi pjesa e parë nuk dha shumë pasi dy skuadrat më shumë mbroheshin. Me rezultatin e barabartë 0-0 përfunduan 45 minutat e para në këtë sfidë. Trajneri i Argjentinës, Jorge Sampaoli kishte vendosur ta lejë në stol Lionel Messin duke e lënë në bankën rezervë. Golin argjentinasit e gjetën nga një zëvendësues në pjesën e dytë. Ishte mesfushori i Sevillës, Ever Banega që shënoi në minutën e 75 pas asistimit nga Lo Celso.
Golin e dytë argjentinasit e arritën 10 minuta më vonë me anë të mesfushorit Lanzini.
Ndeshjen e ardhshme miqësore Argjentina e zhvillon kundër Spanjës katër ditë më vonë. Ndërkohë italianët do të përballen me Anglinë më 27 mars në Wembley.
