Në Itali është rikthyer makthi i lojës vdekjeprurëse ‘Balena Blu’. Policia italiane ka shpëtuar nga vetëvrasja një 13 vjeçar në Bari, i cili ishte duke luajtur lojën në fjalë. Ndërhyrja në kohë e forcave të policisë ka bërë që të mos shtohej numri i viktimave nga kjo lojë e rrezikshme.
Nga raportimi i miqve të 13-vjeçarit, mësohet se ai kohët e fundit kishte filluar të shpërndajë foto të çuditshme në Instagram. Në një postim ai shkruante “unë jam një demon” dhe e ilustronte me një foto sysh bosh.
Ndërsa një tjetër postim shqetësues ishte ku shkruante: Vetëm një fatkeqësi, një dështim.
Për ta mbyllur me postimin që besohet se ngriti në këmbë edhe policinë që të ndërhynte ku shkruante: Dua të vdes!
Por kush e krijoi lojën vdekjeprurëse “Balena Blu” dhe me cfarë qëllimi:
Ideatori i kësaj loje është shprehur se ideja e tij për këtë lojë ishte të eliminonte disa njerëz që i konsideronte si “mbeturina biologjike”.
Philipp Budeikin, 22 vjeç, është dënuar me vetëm 3 vjet burg nga një gjykatës siberian. Krijuesi i lojës “Balena Blu” shkaktoi dhjetëra vetëvrasje të adoleshentëve, të cilët luajtën lojën e tij që çonte në vetëflijim. 22-vjeçari ka provokuar të paktën 17 vdekje, por këto raste nuk u përfshinë në gjykimin e tij.
Budeikin i ka quajtur viktimat e lojës së tij si “mbeturina biologjike” dhe u ka thënë policëve se ai po pastronte shoqërinë nga këto mbetje.
Dënimi i tij me vetëm 3 vjet ka shkaktuar disa reagime, duke e konsideruar një dënim të lehtë për krijuesin e “Balenës Blu”, shkruan Daily Mail.
Budeikin nuk do i nënshtrohet një burgu me regjim të ashpër, por do vuajë dënimin e tij në një burg normal në Rusi.
“Balena Blu” është një lojë që u përhap shpejt në të gjithë botën, me origjinë në Rusi, e cila ka 50 niveli, ku secili prej tyre të shtyn t’i bësh keq vetes deri sa të shkosh në nivelin e fundit që përmban vetëvrasjen.
Kjo lojë mbërriti edhe në vendin tonë, ku u raportuan 2 raste, të cilat u arritën të parandaloheshin në kohë. TIRANA TODAY
