Zgjedhjet në Itali nuk kanë përcaktuar qartë se kush duhet të qeverisë vendin. Vota e italianëve nuk ka përcaktuar përfundimisht se kush duhet të jetë kreu i qeverisë.
Partitë garuese nuk kanë marrë votat e duhura për të formuar qeverinë pa një koalicion të mundshëm. Publicisti dhe opinionisti i njohur, Fatos Lubonja, shprehet se këto zgjedhje janë një tërmet për Italinë. Ai tha se partitë më të kontesntuara në Itali, kanë marrë më shumë se 50 për qind të votave.
Sipas Lubonjës, partia Forza Italia e Berluskonit, ka patur një humbje të madhe së bashku me Partinë Demokratike të Mateo Renzit. Ky i fundit ka dhënë dorëheqjen nga drejtimi i partisë, pasi rezultatet e zgjedhjeve kanë aspak në pritshmërinë e tyre.
Teksa ka folur në “News 24”, Lubonja tha se partitë që ishin kundër emigracionit kanë fituar më shumë vota në këto zgjedhje.
Intervista e Lubonjës
“Komenti i përgjithshëm, konsiderohet si një termet për sistemin në të cilin ka qenë Italia për një kohë të gjatë. Dy forcat më të mëdha të cilat janë kontestuar më shumë, kanë arritur të marrin të dyja së bashku më shumë se 50 për qind. Partia e “Forza Italia“ e Berluskonit ka një humbje të madhe”-shtoi ai.
A duhet Mateo Renzi të japë dorëheqjen?
“Bëhen bilance, bëhen pazare, se kush do ta marrë drejtimin. Fitorja e Salvinit në Veri dhe lëvizja 5 yjet në jug. Çështja e emigracionit dhe sigurisë, duket se ka mbretëruar edhe në Itali. Janë lodhur me emigracionin. Sipas kushtetutës italiane, është presidentit i jep detyrën për të formuar qeverinë. Nuk është e përcaktuar qartë. Do të shikojmë se çfarë do të zgjedh presidenti. Koalicion qendra e djathtët ka më shumë vota, por i mungojnë deputetët për të bërë qeverisjen. Këtu pastaj hapen skenarë të ndry shëm. Flitet për koalicion “5 yjet-Lega”, por mbetet në lojë skenari i zgjedhjeve të parakohshme”-vijoi ai.
