Kuqezinjtë e Alban Bushit përballen me Italinë U-21 në transfertë, në një sfidë ku nuk kanë arritur të fitojnë asnjëherë. Pjesa e parë ka folur vetëm për italianët, të cilët dominojnë dhe kërkojnë golin, të cilin e gjejnë në minutën e 27’ me anë të Frederico Di Marco. Një gol fantastik i gjuajtur fluturimthi, të cilin Selmani nuk arriti ta neutralizonte.
Shqipëria luan një lojë tërësisht në mbrojtje dhe duket shumë e paorganizuar në kundërsulm. Rastin më të mirë për të shënuar e kishte Seferi i cili godet mjaft mirë nga brenda zonës, por portieri bën një superpritje. Bushi padyshim duhet të ndryshojë diçka në pjesën e dytë.
