COVID-19 ishte jashtëzakonisht i shpejtë, dhe Italia nuk mundi dot që ta menaxhonte situatën ndonëse kishte një plan sekret. “La Repubblica”, e cila ka siguruar një dokument, shkruan se muajin janar, Ministria italiane e Shëndetësisë kishte përgatitur një plan urgjent për të luftuar koronavirusin.
Por çfarë ndodhi? Pse Italia po shuhet çdo ditë nga COVID-19? Duke iu referuar gazetës italiane, plani u mbajt i fshehtë. Kjo pasi do shkaktonte panik te njerëzit.
Drejtori i përgjithshëm i Planifikimit Shëndetësor, Andrea Urbani, në një intervistë për “Corriere della Sera” shpjegoi se si reagimi i qeverisë për emergjencën ishte në çdo rast i menjëhershëm.
“Nuk kishte asnjë vakum të vendimeve. Që më 20 janar, ne patëm gati një plan sekret dhe atë plan ndoqëm. Linja nuk ka qenë të frikësohej popullsia, por të punohej për të përmbajtur infektimin”, tha Urbani.
Deri më tani në të gjithë botën janë shënuar 177.688 viktima dhe rezultojnë të infektuar 2.557.993. Ndërsa, 695.336 qytetarë janë shëruar. Në Itali numri i viktimave ka shkuar në 24.648.
