Një shqiptar i prangosur ditë më parë, ka hedhur dritë mbi ngjarjen se pse ai ka qëlluar drejt kushëririt të tij, dhe kush ishin mosmarrëveshjet që kishin. Ngjarja në fjalë është shënuar të shtunën në mbrëmje, në lagjen popullore të Canaletto-s.
38-vjeçari Marjol Veqo, ndodhet në burg, nën akuzën e “tentativës së vrasjes” së kushëririt të tij 35-vjeçar. Ky i fundit ka marrë plagë në këmbë.
Veqo u tha hetuesve se kishte qëlluar për shkak të frikës. Sipas hetuesve, 35-vjeçari kishte punuar disa kohë në ndërmarrjen e kushëririt të tij, një kompani nënkontraktore ndërtimi. Disa mosmarrëveshje në punë, do të çojnë në ndarjen dhe grindjet e përhershme të familjes, e cila kulmoi pak kohë më parë me rrahjen e Veqos, i cili pësoi një frakturë.
