Dy raste të reja të vezëve të kontaminuara janë zbuluar nga policia italiane.Nga verifikimet e orëve të fundit, janë sekuestruar deri tani 92 mijë vezë në total.
Në Viterbo, janë sekuestruar 60 mijë vezë për konsum njerëzor, më shumë se 32 mijë për ushqim zooteknik dhe 15 mijë pula. Në Ankonë , 6 mijë vezë dhe 12 mijë pula janë sekuestruar po ashtu nga autoritetet lokale. Në ditët e shkuara janë gjetur kampionë pozitivë në rajonin e Kampanias, Marke dhe të Lacios.
Mbi vezët e prekura nga insekticidi Fipronil në Itali, autoritetet italane kanë dhënë dy hipoteza të mundshme.
E para i përket dyshimit të aktivitetit të dizinfektimit të terrenit pa praninë e kafshëve me insekticide që përmbajnë Fipronil dhe hipoteza e dytë e mundshme ka të bëjë me futjenilegale të Fipronilit në ushqimin e pulave.
Deri më tani Ministria Italiane e Shëndetësisë ka kryer rreth 253 inspektime në ferma e në qëndra shpërndarje e përpunimi vezësh. Shumë shpejt priten rezultatet e analizave për rreth 107 kampionë vezësh.
