Policia e Torinos ka arrestuar 9 persona, kryesisht të akuzuar si shpërndarës të lëndëve narkotike në një nga festivalet më të famshme në qytet “Torino Music Festival”. Ngjarja ka ndodhur natën e 31 tetorit.
Ndër të arrestuarit, ishin dhe disa shqiptarë. Njëri prej tyre 25-vjeçar, u arrestua për shkak të rezistencës ndaj policisë. Ndërsa dy të tjerë u proceduan penalisht në gjendje të lirë, për tregti droge.
Policia ka arrestuar dhe 5 të tjerë për posedim droge, mes të cilëve një 32-vjeçar italian. Një 21-vjeçar dhe një 20-vjeçar u kapën po ashtu me lëndë narkotike (amfetamina, kokainë, ekstazi, heroinë dhe marihuanë) si dhe 650 euro.
Dy të tjerë, përkatësisht të moshës 23 dhe 19 vjeç, kishin 17 doza me vete, tre amfetaminë dhe kokainë, dhe më shumë se 900 euro para të gatshme.
Në këtë merrnin pjesë rreth 10 500 vetë.
