Daja i Marjusit, Fatbardh Marku, i cili humbi jetën në Xhenova, ka thënë se janë informuar nëpërmjet mediave dhe se deri në çastet e fundit kishin shpresa, pasi nuk i kishin thirrur në morg, por në spital. Nëna e Marjus Djerrit kishte një firmë pastrimi. Në atë kohë, i riu po shkonte tek puna e së ëmës. Daja rrëfen më tej për ‘Report Tv’, se Marjusi kishte vetëm tre ditë që ishte larguar nga Shqipëria.
Intervista e plotë:
- Si e morët vesh lajmin?
E morëm vesh nëpër medias. Familja e tij atje e kishte kuptuar më parë, sepse nuk po lidheshin dot me të.
https://tiranatoday.com/vdekja-e-shqiptarit-ne-xhenova-te-afermit-ende-smund-ta-besojne/
- Çfarë lidhje kishte me Edi Bokrinën?
Ishin miq, nëna e Marjusit kishte një firmë pastrimi dhe kishte punësuar disa shqiptarë. Prandaj ishin në të njëjtin mjet, sepse Marjusi po shkonte tek puna e të ëmës.
https://tiranatoday.com/tragjedia-ne-itali-32-vjecari-qe-vdiq-i-martuar-para-nje-viti-prinderit-me-pushime-ne-shkoder/
- Kur ka qënë hera e fundit që e keni takuar 22-vjeçarin?
Ka tre ditë që është larguar nga Shqipëria. Nuk ka fjalë për Marjusin. Ai dinte vetëm të të puthte. Zoti e donte për vete.
- Keni folur me familjarët? E kanë tërhequr trupin nga morgu?
Jo, trupin nuk kanë tërhequr akoma. Për Marjusit kishim shpresa deri në momentin e fundit, se familjen e Edit e thirrën direkt në morg, ndërsa ne na kërkuan në spital.
- Ka ardhur ndonjë nga familjarët e Marjusit në Shqipëri?
Jo, nuk kanë ardhur sepse ceremonia nuk do të zhvillohet në Shqipëri, ceremonia do të zhvillohet atje. Këtu do të rrimë dy-tre veta, sa për të pritur njerëzit.
