Një 27-vjeçar ka humbur jetën në Itali, teksa ishte duke punuar. Ngjarja e rëndë ka ndodhur ditën e djeshme, ku sipas mediave italiane, viktimë identifikohet si Nertil Bushi, i cili u rrëzua nga çatia.
Lartësia e çatisë ishte 10 metra dhe rënia ka qenë fatale për 27-vjeçarin. I riu shqiptar jetonte me xhaxhanë e tij në provincën e Bibbiena, Empoli dhe po punonte pikërisht me të në momentin kur rrëshqiti nga çatia.
Ai u dërgua me urgjencë në spital, por nuk ka mundur të mbijetojë. 27-vjeçari kishte disa ditë që po punonte për rikonstruksionin e çatisë.
