Njëzetepesë fëmijë u shpëtuan këtë mëngjes përpara se një autobus të shkrumbohej plotësisht në tunel përgjatë autostradës që lidh Lecco-n me provincën e Sondrio-s.
Aksidenti ndodhi në Lierna (Lecco) dhe mund të kishte pasoja të rënda nëse shoferi nuk do të kishte vërejtur se diçka nuk shkonte. Ai ndaloi autobuzin dhe nxorri jashtë të gjithë fëmijët, të ardhur nga provinca e Como-s, përpara se flakët ta gllabëronin automjetin. Pesë ekipe zjarrfikësish ndërhynë në vend dhe shuan flakët dhe lëvizën automjetin për në zonë të sigurtë.
Për fat askujt nuk iu desh të dërgohej me ambulancën e dërguar nga qendra e operacioneve 118.
Shtatë nga njëzetepesë fëmijët e shpëtuar gjithsesi u dërguan në spital për ekzaminim. Ata kanë thithur tym por gjendja e nuk është shqetësuese.
Ngjarja ndodh pas dy aksidentesh tragjike në Italinë Veriore dhe Austri së fundi, ku një teleferik ra fillimisht nga lartësia ku mes personave që humbën jetën ishte dhe 1 fëmijë dhe në Austri në një ekskursion ditën e fundit të shkollës fëmijë të shkollës fillore përjetuan momente tmerri kur një vagon i trenit me të cilin udhëtonin u shkëput dhe ra në lum.
