Drejtori i përgjithshëm britanik Anderw Parker ka paralajmëruar se shtetit islamik po kthehet në kërcënim për vendet evropiane dhe se shumë shpejt do të nis sulmet shkatërrimtare. E gjithë kjo vjen për pasoj e humbjes së territorit në lindjen e mesme.
Shefi i MI5 do ta përforcojë paralajmërimin e tij në e tij në një takim të shefave të sigurisë që do të mbahet në Berlin. Ai ka bërë të ditur ndërkohë se 12 sulme terroriste janë ndaluar në Britaninë e Madhe që pas atij në Westminster në 2017.
Paralajmërimi i Parker vjen pasi një person u vra dhe katër të tjerë u plagosën nga një person në Paris, të shtunën. Sulmi u mor përsipër nga shteti islamik. Në dhjetor të vitit të kaluar, Parker kishte raportuar se nëntë sulme terroriste ishin parandaluar nga shërbimet e sigurisë dhe policia gjatë 2017. Ndërsa shifra e rishikuar e të hënës e çon numrin e sulmeve të mbetura në tentativë në Britaninë e Madhe në 25 që nga viti 2013.
Shefi i shërbimit të sigurisë thekson gjithashtu se ka besim tek aftësitë e vendeve evropiane për ti luftuar kërcënimet dhe për ti bërë rezistencë gjithë sulmeve terroriste që janë kthyer në kërcënim tashmë. Ai do të nënvizojë se agjencitë evropiane të zbulimit duhet të bazohen më shumë se kurrë tek ndarja e informacioneve dhe bashkëpunimi.
Parker po ashtu pritet të akuzojë në Berlin edhe Kremlinin për shkelje flagrante të ligjeve ndërkombëtare në lidhje me helmimin e ish-agjentit rus Sergei Skripal dhe vajzës së tij Julia në Salisbury, në Mars.
