Forcat irakiane kanë arritur të marrin xhaminë e madhe të al-Nuri, vend i shenjtë ku Abu Bakr al-Bagdadi shpalli veten udhëheqës i ISIS, tre vjet më parë.
Rimarrja e xhamisë shënon një moment shumë simbolik në luftë, raportohet se trupat qeveritare janë vendosur në zemër të qytetit të vjetër, ndoshta brenda dy javëve do të rimerret i gjithë qyteti i Mosulit.
Xhamia ishte një nga monumentet më të mëdha e më të rëndësishëm në Islam pas xhamive të mëdha të Mekës dhe Medinës, al-Aqsa në Jerusalem dhe xhaminë Umayyad në Damask, duke krahasuar me të tjera si xhamia e Amr ibn al-’As në Egjipt dhe struktura të tjera më moderne të ndërtuar në shekujt e fundit.
Abu Bakr al-Bagdadi deklaroi krijimin e kalifatit nga kjo xhami tre vjet më parë, në ditën – 29 qershor 2014 – në kulmin e fuqisë së grupit.
Sipas burimeve ushtarake amerikane dhe irakiane Abu Bakr al-Bagdadi ka lënë luftimet në Mosul për komandantët lokalë dhe besohet se fshihet në zonën kufitare midis Irakut dhe Sirisë.
ISIS, javën e kaluar, ka rrëzuan minaret e Hadba afër xhamisë, duke shkaktuar dëme të mëdha në kompleksin përreth. Lufta për rimarrjen e xhamisë ishte e ashpër, me trupat irakiane që raportonin për luftime shtëpi më shtëpi me një armik të stërmbushur, i cili nuk pranoi të dorëzohej.
Gjenerali irakian Abdul Wahab al-Saadi tha se forcat speciale kishin hyrë në kompleks dhe kishin marrë kontrollin e rrugëve përreth në të enjten pasdite, pas një sulmi në zonë.
Pesë militantë të ISIS u vranë të mërkurën, duke u përpjekur të notonin nëpër lumin Tigër nga perëndimi në lindje të qytetit, të armatosur me eksplozivë. Qyteti i vjetër i mbushur me militantë mendohet se ende strehon deri në 100 ekstremistë të armatosur mirë, si dhe dhjetëra mijëra civilë, të cilët gradualisht po largohen nga ndërtesat e rrënuara javën e kaluar. (TIRANA TODAY)
