Ishte nisur drejt BE, shqiptari me 2,6 ton marijuanë kapet në Podgoricë

Një sasi prej 2,6 ton marijuanë janë kapur në Podgoricë nga policia e Malit të Zi në një kamion që kishte hyrë nga Shqipëria, në pikën kufitare Bozaj.

Në pranga ka rënë shtetasi shqiptar Elvis Calik. Droga u kap në terminalin doganor në një aksion të përbashkët të Drejtorisë së Policisë, Sektorit për Luftën kundër Krimit të Organizuar dhe Korrupsionit dhe Administratës Doganore.

“Një kamion i drejtuar nga E.C (40), një shtetas i Republikës së Shqipërisë, mbërriti në vendkalimin kufitar Božaj sot, 3 nëntor.  Kamioni kalonte tranzit drejt vendeve të BE dhe kishte një ngarkesë  me fruta dhe perime. Oficerë anti-kontrabandë gjatë kontrollit gjetën nëntë paleta që përmbajnë lëndë narkotike e llojit marihuanë me një peshë totale prej rreth 2 ton”, informoi policia malazeze.

Një person i dytë është proceduar gjithashtu penalisht me dyshimin si i përfshirë në trafikun e drogës.