Punonjësi i policisë, Riza Kenga ka aksidentuar para dy ditësh një 65-vjeçar në fshatin Laknas.
Kenga është arrestuar nga policia, ndërsa mësohet se në momentin e aksidentit ai ka qenë nën efektin e alkoolit.
I lënduar ka mbetur shtetasi Q.D, i cili udhëtonte me motor, kur u aksidentuar nga inspektori, ndërsa tashmë ndodhet në Spitalin Ushtarak nën kujdesin mjekësor.
NJOFTIMI I POLICISË:
Tiranë
Arrestohet efektivi i FNSH për shkelje të rregullave të qarkullimit, aksidentoi një shtetas që lëvizte me motor
Shërbimi për Çështjet e Brendshme dhe Ankesat (SHÇBA) në Tiranë, në bashkëpunim me Prokurorinë e Tiranës arrestoi në flagrancë punonjësin e policisë inspektor Riza Kenga, me detyrë trup shërbimi në Komisariatin e Policisë së Ndërhyrjes së Shpejtë në Tiranë.
Arrestimi i efektivit të Policisë u bë pasi në datën 7 shtator, nën efektin e alkoolit ka aksidentuar rëndë me makinë në fshatin Laknas shtetasin Q.D 65 vjeç, i cili ndodhet në Spitalin Ushtarak nen kujdesin mjekesor.
Materialet hetimore iu referuan Prokurorisë pranë Gjykatës së Shkallës së Parë Tiranë.
