Personi që kreu krimin makabër sot në Korçë, është me probleme mendore. Shtetasi Zamir Topi vrau më sëpatë bashkëfshatarin. “Zamir Topi është person me probleme të shëndetit mendor”. Kështu deklarojnë burime nga qendra e shëndetit mendor në Korçë, në lidhje me autorin e vrasjes së Dashnor Osmanit. 42-vjeçari ishte i pajisur me kartelë pranë kësaj qendre, dhe se është nën kujdesin e mjekëve.
Gjatë dëshmisë së tij, Topi ka pranuar autorësinë e krimit, ndërsa theksoi se ishte penduar. Ai ka deklaruar se i kishte kërkuar Dashnor Osmanit, që ti rregullonte varrin e së ëmës, pasi ishte dëmtuar.
“Nuk doja ta vrisja. I kërkova që të rregullonte varrin e nënës time, pasi ishte dëmtuar ngaqë aty afër ishte dhe varri i të afërmit të tij. Por ai nuk pranoi. Jam penduar shumë”, tha autori në polici.
Uniformat blu kanë marrë në mbrojtje familjen e 42-vjeçarit, nga frika e ndonjë hakmarrje të mundshme.
Masakra ndodhi mesditës e sotme. Pas një sherri me viktimën, 42-vjeçari ka marrë sëpatën dhe ka qëlluar pas qafe Osmanin. 50-vjeçari ka rënë menjëherë në tokë, i larë në gjak dhe me banane në duar.
