Një 32 vjeçare në Brazil ka tentuar të mbysë nënën e saj në spital, pasi ishte e lodhur duke u kujdesur për të.
Kanë qenë pamjet e kamerave të një spitali në qytetin e Sao Luis si edhe pamjet e filmuara nga pacientë të tjerë, të cilat tregojnë një vajzë duke vendosur dorën mbi hundën dhe gojën e nënës së saj në përpjekje për ta mbytur atë.
Lusiana Paula Figueiredo, 32 vjeç, është arrestuar pasi dyshohet se ka tentuar të mbytë nënën e saj Ana Benedita Figueiredo, 68 vjeç, në shtratin e saj në spitalin Dr. Karlos Masieira.
Sipas “Daily Mail”, pamjet u raportuan nga pacientë të tjerë dhe shikohet një dorë që vendoset mbi hundën dhe gojën e të moshuarës.
Mediat lokale raportojnë se vajza Lusiana u arrestua në vendin e ngjarjes dhe më vonë u akuzua për vrasje në tentativë teksa nëna e saj u dërgua në njësinë e kujdesit intensiv.
Ana Benedita ndodhet në spital që prej datës 19 janar pasi pësoi një emboli pulmonare.
