Disa ditë më parë një video-skandal qarkulloi në rrjetet sociale, në të cilin ishte i përfshirë një efektiv i Policisë së Shtetit.
Makina me targa AA 589 RR qëndronte në mes të rrugës, kur një vajzë iu afrua në xhamin e makinës, ndërsa polici i cili ndodhej në timon nuk nguroi të bëjë skena të turpshme me vajzën duke mos u shqetësuar se është në orarin e punës, i veshur me uniformën blu.
Së fundmi, gazetari Artan Hoxha u ndal tek kjo ngjarje për të cilën tha se ky rast është i rëndë, por është individual.
Sipas tij, polici i cili më pas u pezullua ka bërë arrestime të bujshme: “Ai ishte i vjetër dhe ka bërë arrestime të bujshme. Ishte një polic që ishte gjysh. Kishte kaluar një karrierë të gjatë me policinë”.
“Në çdo veprim policor ku filmohet po të shikosh ka elementë të shkeljes së detyrës. Kombinimet e patrullave janë policë të rinj, që e kanë mirësjelljen në komunikim, por edhe të vjetër. Por problemi tjetër është çfarë fryme përcillet tek policia. Ka policë edhe të vjetër edhe të rinj.
Ai në rastin e protestës, nuk kishte goditje, por tërheqja e volejbollistet baltosi veprimin e policisë. Policia e Shtetit ka shumë taktika. Sjellja individuale është ajo që ka ndodhur me vajzën. E ka bërë një polic me eksperiencë, i cili flaku karrierën e vet. Policia e Shtetit është një organizatë. Polici duhet të jetë fytyra”, vijoi gazetari.
