Tre persona të maskuar i kanë vjedhur një shumë të konsiderueshme një kambisti. Besmir Shegani u grabit mbrëmjen e djeshme në Prrenjas nga tre persona, kur po hynte në shtëpi. Shuma që i morën është rreth 1 milion lekë. Autorët e kanë dhunuar dhe janë larguar me motor. Zona ku ndodhi grabitja s’ka ndriçim, dhe as kamera sigurie.
“Mbrëmë sapo kam mbyllur punën, kam shkuar në shtëpi së bashku me djalin. Në momentin që parkova makinën poshtë banesës, tre persona të maskuar m’u afruan dhe më goditën duke më marrë një shumë parash dhe u larguan me motor”, ka thënë ai për ‘Report Tv’.
“Zona ku ndodhi grabitja s’ka ndriçim, dhe as kamera sigurie, menjëherë shkova në polici” mësohet se është shprehur ai. Policia shoqëroi disa persona, por pas marrjes në pyetje i liroi, ndërsa vijojnë hetimet.
