Si rrallëherë, moderatorja Lei Kraja ka rrëfyer jetën e saj pas ndarjes së prindërve, dhe vështirësitë që kaloi gjatë adoleshencës.
Në rubrikën “N’Fermë”, në emisionin “E diell”, moderatorja ka treguar për herë të parë si e ka përjetuar divorcin e prindërve të saj.
Një periudhë që ka qenë mjaft e vështirë për të, e ndërsa sot është e lumtur që prindërit kanë gjetur paqen shpirtërore.
“Ka qenë periudhë shumë e vështirë, e kam përjetuar shumë keq. Ndoshta pasi kam qenë më e madhja, ne ishim 4 fëmijë.
Më shumë se të tjerët e ndjeva unë këtë divorc, i cili në atë kohë m’u duk si fundi i botës. Qaja përditë dhe isha thuajse në depresion.
Me mësime kam qenë shumë mirë, dhe ate vit rashë edhe nga mësimet. Thjesht nuk kishte paqe në shtëpi, është edhe nga mënyra si e menaxhojnë shqiptarët, e përjetojnë sikur është traum. U mërzita shumë kur ma thanë, asnjë fëmijë nuk do t’i ndahen prindërit”, ka thënë Lei.
