Policia ka shpallur në kërkim autorin që dyshohet se ka kërcënuar me jetë ish-drejtuesin e lartë të Policisë së Shtetit, Mit’hat Havari.
Ky i fundit zbuloi gjatë emisionit “Repolitix” se me 23 tetor u kërcënua nga Sajmir Moilli me urdhër të një krimineli, të cilin ai e kishte denoncuar më herët në një studio televizive.
Ndër të tjera, ai u shpreh se menjëherë pas marrjes së kërcënimit ka kontaktuar Ardi Veliun, për të cilin tha se nga komunikimi që patën përmes telefonit u tregua i gatshëm. Por shton se kanë kaluar disa ditë dhe veprimet e policisë janë inekzistente, pasi askush nuk ka rënë në pranga.
“Janë kërcënuar rrugëve, në 23 të muajit tetor, jam qytetar i thjeshtë, jam kërcënuar rëndë nga Sajmir Molli, më terrorizoi. Kishte marrë përsipër nga një kriminel. Ti e di nga kush e kam porosinë”, më tha se denonciva publikisht dikë në TV. Kam marrë Ardi Veliun, në celular u tregua i gatshëm, por ka kaluar 10 ditë dhe skush nuk ka rënë në pranga. Shoh një lloj hezitimi, një polici inekzistente. Kam qenë zyrar i lartë i policisë së shtetit.
“Isha në terror psikologjik, s’kisha asnjë lloj përkrahje as nga banorët që unë jetoj aty prej 25 vite, s’jam boksier, s’mund të bëja grushta me të”, deklaroi Havari në “Report TV”.
