Është përfolur shumë se kalimi i Neymar tek PSG, do të përdoret si një trampolinë që ylli brazilian të veshë fanellën e Real Madrid, ndoshta që sezonin e ardhshëm. Edhe pse ai është i dëmtuar spekulimet për të ardhmen e tij nuk ndalen. Është ish-presidenti i Barcelonës, Joan Laporte që shprehet se gjithçka është e mundshme dhe se Neyamr mund të luaj në “Santiago Bernabeu”.
Neymar u transferua nga Barcelona tek skuadra franceze PSG, për shifrën rekord 222 milionë euro.
“Për Neymarin ndoshta Paris Saint Germain është një hap para nënshkrimit për Real Madridin, koha do të tregojë. Kjo lëvizje nuk do ndonjë logjikë të madhe, ai dëshiron të jetë numri një në ekip dhe të fitojë për Topin e Artë”, u shpreh ai.
“Ndihem keq për dëmtimin e tij. Është lojtar i rëndësishëm për ekipin dhe ai do t’i mungojë shumë PSG-së në luftën për ta përmbysur Real Madridin pas humbjes 3-1 në Santiago Bernabéu”.
Laporta në njëfarë mënyre duket se e kupton Neymarin për largimin nga Camp Nou, pasi dëshiron të jetë lider dhe ta fitojë Topin e Artë, diçka që nuk mundte te Barcelona duke pas në krah Lionel Messin.
Por, sipas ish presidentit të Barcelonës, “derisa lojtari më i mirë në histori të jetë aktiv, vështirë se do ta fitojë Neymari Topin e Artë”.
