Ish-oficeri i Antidrogës, Dritan Zagani, ka komentuar disa nga zhvillimet e bujshme që kanë ndodhur këto ditë, me personazhe të krimit.
Me anë të një statusi në Facebook, Zagani deklaron se shtrimi i Emiljano Shullazit në një spital privat, u bë për arsye se në burgje janë vendosur zhurmuesit e telefonave.
Sipas tij, Shullazi ishte ai që organizoi lirimin e Gjergj Cukalit, një nga të dyshuarit kryesor për vrasjen e ish-oficerit Arben Bilali.
Gjergj Cukali, i njohur ndryshe dhe si i forti i Myslym Shyrit, pavarësisht se akuzohet për disa vepra të rënda penale, si rrëmbim personi apo gjobëvënie, ja ka hedhur paq me drejtësinë.
Në momentet e arrestimit të tij pak muaj më parë, nga ana e policisë u tha se kishte prova se ai ishte implikuar në vrasjen e Bilalit, mirëpo kjo nuk është marrë parasysh nga Gjykata e Apelit, duke iu referuar vendimit të dhënë dje.
Sipas Zaganit, Shullazi ka urdhëruar gjithashtu edhe aksionin e fundit të ndërmarrë në Tiranë, kundër informalitetit, që çoi në pranga 15 biznesmenë, që dyshohet se nuk i kanë dhënë paratë e gjobave.
Postimi i plotë:
Informacionet e fundit nga atdheu…!
Pasi ne burgje u vune zhurmuset e telefonave Shullazi na u semur e vajti ne spital e jo ate te burgut por spital privat atje ku nuk shkojne dot as per qoke 80% e shqiptareve!
Te gjith menduan se behej fjale per hallin e tij e te organizonte renien e akuzes qe ndodhi por kjo ishte vetem nje nga ato qe po ndodhin, ai organizoj edhe lirimin e oficerit te tij Gj.Cukalli madje duke kercenuar ministren e financave ai urdheroj arrestimin e shum biznesmeneve sepse kishin kohe qe ishin ne borxhe me banden e tij sepse nuk po i paguanin gjobat!
Kujtoj qe per evazion fiskal ne Republiken e Bananeve denohesh me gjobe deri ne 4 vite burg edhe pse demi i ketyre vjedhjeve eshte miliona €, ndersa per vjedhje biçiklete …. e dini vet ju!
Shteti i Task-Forces qe skandali nuk mbyllet po harrohet se plasin 3 me te medhjej direkt.
