Ish-ministrja dhe ish-deputetja e Lëvizjes Socialiste për Integrim Klajda Gjosha është bërë nënë për herë të dytë. Lajmin e ëmbël e ka shpërndarë kolegia e saj, ish-deputetja Nora Malaj përmes një postimi në rrjetet sociale.
Postimi i plotë:
“Një urim për ty e mira Klajda! Muaji Gusht nisi mbarë! Uroj që për ju të gjithë të jetë i tillë! Mikja ime e mirë, Klajda, sot u bë nënë për herë të dytë. Po kësaj here, ndryshe nga hera e parë, solli në jetë një vogëlushe të bukur, të cilës i uroj që jeta ta mirëpresë e ta dojë, t’i ofrojë pafund dashurinë e përkujdesin e prindërve , mami Klajdës e babi Ardianit, vëmendjen dhe dashurinë e vëllait Luis, që po e priste me shumë gëzim dhe kuriozitet, dashurinë e nënave dhe të gjyshërve, mirësinë e tezes dhe të xhaxhallarëve. Qofsh e lumtur vogëlushja ime! Nuk ka bekim më të madh sesa mëmësia. Sot, Klajdës ju kompletua familja. Dashuria e prindërve për fëmijët dhe respekti i fëmijëve për prindërit kur rriten janë kapitali më i çmuar për njerëzimin.
Jam e bindur se tashmë Klajda po përjeton momentet më të forta të mëmësisë, atë të pasjes së foshnjës pranë, aromën e dëlirë të qumështit dhe pastërtisë që e kanë privilegj vetëm bebet dhe e ndjej që së bashku me qumështin e gjirit do t’i transmetojë dhe dashurinë për këtë botë që tashmë për të është e panjohur, po që do ta shoqërojë tërë jetën! Le ta mirëpresim këtë bekim hyjnor me urimin më të mirë: Qofsh e lumtur vogëlushe, u rritsh plot dashuri, qofsh e rrethuar nga mirësia dhe gëzofsh të gjitha ciklet e jetës me prindërit pranë dhe me ëmbëlsi e mirësi rrethuar! Paç jetë të gjatë, të begatë dhe të lumtur! Mirë se erdhe midis nesh! Ardhsh me këmbë të mbarë e begati! Sot ishte një ditë lumturie, se ti na gëzove me ardhjen tënde dhe Mami Klajda e kaloi edhe këtë sprovë të vështirë!
Paçi vetëm gëzim e lumturi”, shkruan Nora Malaj.
Kujtojmë që ish-ministrja Klajda Gjosha ka edhe një djalë 5 vjeç, që quhet Luis.
