Kryeministrin Edi Rama, në konferencën e përbashkët me Shefen e Politikës së Jashtme të BE-së, Mogherini deklaroi se prokuroria e Krimeve të Rënda deri tani nuk ka publikuar asnjw provw qw implikon Saimir Tahirin të lidhur me trafikun e drogës
“Prokuroria të rikthehet me të paktën një provë, jo dhjetë, një të vetme, dhe Krimet e Rënda janë shumë larg së qeni një trupë që mund të konsiderohet e influencueshme nga cilidoqoftë për sa u takon anës së shumicës, nëse pranojmë spekulime për influencë,” deklaroi sot Rama(lajmin e plotë lexoje këtu).
Pas kwsaj ka reaguar ish-Ministri i Drejtësisë Ylli Manjani. Ai e ka pyetur Ramën se përse nuk dëshmon vetë në Prokurori.
Manjani ka shtruar një sërë pyetjesh në drejtim të kryeministrit Rama.
Postimi i plotë i Ylli Manjanit:
Çfarë provash kërkon ky mo?!
Provat që ka fshehur dhe zhdukur vetë?
Po ku ti gjejnë Prokurorët?!
Ku është Audi? Pse nuk gjen policia?
Po Nezir Seitaj? Kush e ekstradoi pa ligj?
Pse u dënua Dritan Zagani, denoncuesi i vetëm që në atë kohë? Pse nuk i merret një dëshmi zyrtare?!
Pse u vonua kontrolli i banesës?
Po Sota, shoferi, skafet parentat etj etj, ku janë?!
Pse nuk dëshmon vetë në Prokurori? Ai ishte eprori i ministrit të tij. C’di ai për trafikun dhe rolin e shtetit të tij në bisnesin më të ndyrë që bëri?
Pse e largoi Artan Didin?! Ç’bisedë bëri me të para se ta hiqte nga policia?
Kujt ja kërkon provat ky?!
T’ja gjejë “polici gjyqsor” politik, shoku Xhafa!
Artën e ka në xhep!
Tashmë është vetë zot e vetë shkop. Edhe me rekomandim në xhep, biles!
