Ish-ministri i Drejtësisë, Ylli Manjani, ka reaguar pas deklaratës së kryeministrit Rama, se ata që bëjnë të fortin nëpër qytete, le të vriten me njëri-tjetrin.
Sipas Manjanit, nuk ka kryeministër në botë që i thotë popullit të vet “vrituni me njëri-tjetrin”.
Në postimin e radhës në Facebook, ai shprehet se situata ka dalë jashtë kontrollit.
“Nuk ka kryeministër në botë që i thotë popullit të vet “vrituni me njëri-tjetrin”!
Më rëndë akoma, kur thotë “vrituni ju që të marr frymë thellë unë”!!! Pra frymëmarrja e për pasojë furnizimi i trurit me gjak të pastër, varet nga vrasja e njerëzve me njëri-tjetrin!!
Rëndë shumë!
E lëmë mënjanë pjesën e kënaqësive perverse, nëse do zbatohej vetgjyqësia, përse na duhet shteti, qeveria, policia, burgjet e drejtësia?!
Apo për PPP e koncensione!
Vijoj të mendoj se kushdo i voton këta, e meriton etiketimin “Shpellar”!”, shkruan ai.
