Ish-kryetarja e AMA-s, Endira Bushati, ka përgënjeshtruar lajmin se ajo do të jetë pjesë e partisë “Bindja Demokratike”. Ndonëse është kritike e hapur e Lulzim Bashës në drejtimin e Partisë Demokratike, ajo ka mohuar kategorikisht zërat se i është bashkuar një formacioni të ri politik, duke deklaruar se është e fokusuar në karrierën akademike dhe profesionale.
Ajo që në krye të statusit të ndarë me ndjekësit në Facebook vë në dukje se si shiten lajmet pa u verifikuar. Endira Bushati sqaron zërat se ajo nuk është ‘themeluese’ e një partie të re.
Statusi
“Për shumë kohë, kam folur e shkruar mbi median dhe rolin e saj në Shqipëri, për mënyrën se si “shiten” lajme pa u verifikuar dhe pa më të voglën etikë profesionale….
Ka rreth 2 orë që gazetarë, kolegë e miq, më njoftojnë se unë qenkam “themeluese” e një partie….
Nuk po u vë faj për një arsye të thjeshtë:
Është e vërtetë që unë jam shprehur kundër mënyrës së drejtimit të PD-së nga Lulzim Basha….
Vazhdoj t’u qëndroj të gjithave çfarë kam thënë që pas humbjeve të zgjedhjeve të 2017!
Dhe kam pasur bindjen, që herët a vonë, vakuumi i krijuar në frontin opozitar do të plotësohej me forca të tjera politike….
Por….(dhe ka një “por” të madhe)….
Sado që unë, mund të mbështes apo përkrah, programe, njerëz, projekte….
Më duhet të sqaroj se aktualisht jam tërësisht e fokusuar në karrierën akademike dhe profesionale….”, shkruan ajo.
