Ish-kryeministri i Maqedonisë, Nikolla Gruevski, ndaj të cilit është shpallur fletë-arresti kombëtar, ka reaguar me anë të një postimi në rrjetet sociale.
Pas krijimit të një zhurme të madhe mediatike dhe jo vetëm, ai bën me dije me anë të një postimi në Facebook, se aktualisht po qëndron në Budapest, dhe se ka kërkuar azil nga autoritetet hungareze.
“Ditët e fundit kam marrë një numër të madh kërcënimesh për jetën. Unë jam në Budapest, dhe kam kërkuar azil politik te autoritetet hungareze.
Gjithmonë do t’i jem besnik kauzës për Maqedoninë, e asnjëherë nuk do të heq dorë”, shkruan ai.