Autori i vrasjes së trefishtë dhe plagosjes së një tjetri në Mat, nuk ka shfaqur shenja pendese. Ai është rrëfyer se ka kryer këtë masakër, për të vënë dinjiten në vend.
Përtej braktisjes nga bashkëfshatarët, atë nuk e kanë vizituar as famljarët e tij. Kujtim Koxha është braktisur nga familja e tij. As e shoqja dhe as katër fëmijët e tij, të cilët sipas të dhënave janë të martuar të gjithë, nuk kanë ardhur ta shohin atë, apo t’i sjellin ndërresa të tjera.
Kujtim Koxha është rrëfyer në polici se ishte e papranueshme që ta godisnin punonjësit e bashkisë, të cilët kishin ardhur të shtronin rrugët e fshatit.
“Nuk jam penduar. Ata më qëlluan dhe mua më panë edhe banorë të tjerë se si më qëlluan. Më fyen para bashkëfshatarëve të mi, dhe unë s’mund ta duroja dot që ata të më tallnin më vonë. Ndaj edhe shkova dhe mora armën”, është shprehur ai, raporton “Panorama”.
Burime nga policia e Burrelit janë shprehur se Kujtim Koxha nuk ka pranuar që të mbrohet me avokat. Ai ka thënë se avokatin do ta sigurojë vetë.
