Avokatët e presidentit amerikan Donald Trump i kanë shkruar ish-këshilltarit të tij Steve Bannon, të cilin e akuzojnë se ka shkelur një marrëveshje.
Bannon akuzohet për shpifje ndaj presidentit Trump, teksa është rrëfyer për autorin Michael Wolff.
Libri i ardhshëm i Wolff e përshkruan presidentin Trump si të papërgatitur për postin e tij.
Ndërkohë, Trump u përgjigj duke thënë se Bannon kishte rrjedhur pasi kishte humbur pozitën në Shtëpinë e Bardhë, raporton Tirana Today.
Avokatët e Trump thanë se Bannon kishte thyer marrëveshjen e tij të punës duke i folur Wolff-it rreth presidentit dhe familjes së tij, duke “zbuluar informacione konfidenciale” dhe “duke bërë deklarata poshtëruese dhe në disa raste deklarata shpifëse ndaj Trump dhe anëtarëve të tij të familjes”, thuhet në letër.
Ndër të tjera, në libër shkruhet se:
-Djali i Trump kishte mbajtur një takim tradhtar me një grup rusësh
-Ekipi i Trump ishte tronditur nga fitorja e tij
-Gruaja e Trump, Melania ishte në lot ditën e zgjedhjeve
-Presidentit të ri iu duk Shtëpia e Bardhë e bezdisshme dhe madje paksa e frikshme
-Vajza e tij, Ivanka, kishte një plan me bashkëshortin e saj, Jared Kushner, se ajo do të ishte presidentja e parë grua
-Ivanka Trump tallet me modelin e flokëve të babait të saj
Po ashtu, në libër thuhet se ish-kryeministri britanik Tony Blair i kishte thënë Trump në një takim në muajin shkurt se shërbimet sekrete britanike mund ta kenë spiunuar atë gjatë fushatës së tij, sipas një raporti në gazetën The Times.
Kjo e fundit shkruante se Blair po shpresonte të merrte një vend pune duke këshilluar Trump në Lindjen e Mesme. Por, një zëdhënëse e Blair deklaroi për The Times se akuzat ishin një “trillim total” dhe se Blair nuk ia kishte sugjeruar veten presidentit Trump si ‘i dërguari’ i Trump në Lindjen e Mesme.
“Steve Bannon nuk ka të bëjë fare me mua apo presidencën time,” tha Trump në një deklaratë të mërkurën.
“Kur u pushua nga puna, ai jo vetëm që humbi punën, por humbi edhe mendjen”.
Sekretarja e shtypit Sarah Sanders e përshkroi librin si “të mbushur me lajme të rreme dhe mashtruese nga individë që nuk kanë qasje apo ndikim në Shtëpinë e Bardhë”. TIRANA TODAY
