Ish-gruaja e Donald Trump ka thënë se ai nuk është racist, por mund të thotë “budallallëqe”, sepse ai është i hutuar nga këshilla kontradiktore që merr.
Ivana Trump tha për “Good Morning Britain” se kundërshtonte kritikat “mbushën” mediat pasi Presidenti u akuzua për përdorimin e gjuhës të “urrejtje dhe për racizëm” në Zyrën Ovale pasi thuhet se sulmoi emigrantët që vinin në Shtetet e Bashkuara.
Ajo tha: “Unë nuk mendoj se Donald është racist, ndonjëherë thotë gjëra të cilat janë budallallëqe dhe ai nuk i kupton ato, por ai definitivisht nuk është racist. Ka kaq shumë njerëz që i thonë atij majtas dhe djathtas se çfarë të thotë, çfarë të mos thotë, dhe ndoshta kjo e bën atë konfuz”.
Ish-gruaja e Trump tha gjithashtu se ajo mendon se vajza e saj Ivanka mund të jetë presidentja e parë femër.
Pas kërcënimeve për protesta, pasi u njoftua se Trump do të shkonte në një vizitë shtetërore në Britaninë e Madhe, Presidenti e anuloi udhëtimin, me sa duket, sepse ishte zemëruar me lëvizjen e ambasadës së SHBA në Londrën e Jugut.
Megjithatë, zonja Ivana Trump tha se ajo nuk ndihet ‘jorehat’ në Britani të Madhe, përkundër kësaj ajo tha se burri i saj i mëparshëm është afër Britanisë së Madhe, sepse ai ka gjak britanik.
“E dua Britaninë e Madhe, e dua Londrën,” tha ajo.
“Unë kisha një shtëpi këtu për 28 vjet, kam shumë miq dhe jam shumë e mirëpritur. Trump ka gjak britanik, nëna e tij ishte fantastike, pra do ta shohim se çfarë do të ndodhë”. TIRANA TODAY
