Rikardo Saponara, zyrtarisht është lojtari më i ri i Specias, ku luan edhe mbrojtësi i Kombëtares, Ardian Ismajli.
Klubi italian ka njoftuar afrimin e mesfushorit nga Fiorentina në huazim me të drejtë blerje.
Saponara bashkohet me Specian dhe është një njohës i mirë i Serisë A, pasi prej disa vitesh luan me skuadra të këtij kampionati, si Milani, Fiorentina, Empoli, Xhenoa, Leçe dhe Sampdoria.
29-vjeçari do të përpiqet të bindë drejtuesit me paraqitjet e tij dhe të ndihmojë skuadrën në arritjen e objektivave.
