Ish-sulmuesi i Arsenal Nicklas Bendtner do të burgoset për 50 ditë. Në fillim të këtij muaji, Bendtner është shpallur fajtor pasi ka rrahur një shofer taksie në kryeqytetin danez më 9 shtator. 30-vjeçari ka pranuar se ka goditur taksistin, por shtoi se ishte për vetëmbrojtje.
Bendtner, i cili aktualisht luan për norvegjezët e Rosenborg, është dënuar me 50 ditë burg dhe 200 euro gjobë. Prokuroria e Copenhagen ka shkruar në Twitter se Bendner ka zgjedhur të tërheqë apelin e tij, kështu që verdikti do të jetë final. Nuk është e qartë se kur do të burgoset Bendtner.
Incidenti ka ndodhur në orën 2:41 të mëngjesit më 9 shtator pasi Bendtner dhe e dashura e tij kishin kaluar mbrëmjen në klubin e natës Lusso.
Pasi kishte debatuar për çmimin 5 euro të transportit, Bendtner ka goditur në nofull taksistin përpara se ta shtrinte në tokë dhe ta godiste me shkelma.
