Ish-drejtori i përgjithshëm i policisë, Ahmet Prençi, i ftuar në emisionin “Kjo Javë” në News24, tha se nuk e lidh dorëheqjen e Lleshajt me vrasjen e Klodian Rashës. Sipas tij, ishte e pritshme në çdo kohë dorëheqja e Lleshajt. Prençi thotë se Lleshaj prej muajsh shëtiste në Shqipëri me dorëheqjen në xhep, dhe pritej nga dita në ditë. Ahmet Prençi shtoi më tej se ekzekutimi ndaj 25 vjeçarit Klodian Rasha i shërbeu Lleshaj që të ikë, por nuk ishte ai që duhet të mbante përgjegjësi për ngjarjen.
“Unë dorëheqjen e Lleshajt s’e shoh të lidhur me ngjarjen. Ai shëtiste në Shqipëri prej muajsh me dorëheqjen në xhep, pritej o sot, o nesër. Erdhi momenti dha dorëheqjen, por s’e lidh me ngjarjen. Është drejtues politik i MB, dhe realizon ato pikat, është menaxheri kryesor i saj. Nëse ka përgjegjësi qoftë dhe morale është drejtori i përgjithshëm i policisë. Lleshaj gjeti rastin për të mbyllur historinë me MB”, tha Prençi.
