Ish-drejtuesi i lartë i Policisë, Mit’hat Havari dyshon se grabitësi mund të mos jetë vrarë nga policia.
I ftuar në emisionin “Dritare me Rudinën”, Havari ngriti dhe dy hipoteza për mënyrën se si mund të kenë vepruar autorët e grabitjes brenda aeroportit “Nënë Tereza” në Rinas.
“Unë dyshoj se e ka vrarë policia. Kjo do shihet sigurisht, plumbi nga cila armë. Në qoftë se e ka vrarë policia, policia do shkonte pas fugonit të grabitësve. Ka dy mënyra se si mund të kenë vepruar autorët. Grabitësit ose kanë qenë të sigurt, kanë pasur siguri, kanë pasur njerëz brenda ose e kanë bërë në mënyrë normale, sepse lumi fle, hasmi s’fle thotë populli. Ata ditë të tëra mund të kenë kontrolluar aeroportin. Bënë gallatë komplet”, deklaroi Havari.
Ndërkohë, gazetarja Klodiana Lala hodhi dyshimet e saj se grupi kriminal mund të ketë inkriminuar edhe zyrtarë të shtetit.
