Ish-drejtori i Arkivës në Ministrinë e Brendshme, historiani Kastriot Dervishi ka deklaruar një të vërtetë tronditëse.
Me anë të një postimi në rrjetin social “Facebook”, Dervishi rrëfen se disa nga kandidatët që duan të bëhen pjesë e Prokurorisë Speciale Antikorrupsion (SPAK), janë hetues të Sigurimit të Shtetit.
Historiani sqaron më poshtë së ata ish-sigurimsa janë ustallarë të dënimeve politike sepse në formim janë komunistë, profesionalisht të varfër dhe udhëhiqen nga shpirtvogëlsia e lufta e klasave.
U njoha me kandidatët që do jenë pjesë e Prokurorisë Speciale Antikorrupsion (SPAK). Gjeta hetues të komunizmit aty. Dihet që janë ustallarë të dënimeve politike sepse në formim janë komunistë, profesionalisht të varfër dhe udhëhiqen nga shpirtvogëlsia e lufta e klasave. Deri sa të vdesin do jenë kandidatë këta? Pse duhet t’i besoj këtij kallëpi të dëmshëm se do na sillka drejtësi? I kalon KPK-ja pa i parë asnjë proces të tyre të kohës së komunizmit.
