Ish-deputetja e Partisë Demokratike Jorida Tabaku është bërë nënë për herë të tretë. Lajmin e ëmbël e ka shpërndarë vetë Jorida në rrjetet sociale. Ajo ka publikuar dorën e vogëlushit të saj të porsalindur dhe krah fotos, disa fjalë mjaft emocionuese. Emri që ish-deputetja ka përzgjedhur për të birin është tipik shqiptar dhe shumë i veçantë: Dren.
“Dje pak pas mesdite erdhi në jetë Dren Sallaku. Arba dhe Iris janë shumë të lumtura për vëllaçkon e tyre të vogël. Mami Jorida dhe babi Saimir më shumë se të lumtur për mrekullinë e vogël që i shtohet familjes sonë”, shkruan Jorida.
Kujtojmë se nga martesa me ekonomistin Saimir, ajo ka edhe dy vajza binjake të cilat kanë ardhur në jetë në vitin 2017-të.
