Ish-deputetja e LSI-së, Silva Caka, tha se nesër do të bëjë kallëzim kundër forcave ‘Shqiponja’ për mënyrën e shoqërimit, pasi i akuzon për dhunë dhe fyerje. Ajo tha se është dëmtuar e po kështu edhe ofenduar. Caka shtoi se në komisariat ka dhënë deklarimet e saj në lidhje me protestën për Teatrin.
“Ka një diferencë të madhe mes sjelljes si më shoqëruan dhe asaj në komisariat. Nesër do të bëj padi kundër forcave Shqiponjave. Jam dëmtuar dhe jam ofenduar. Në komisariat kam bërë deklarimet e mia. Nuk e kaloj ditën në Teatër, por reagoj për korrupsionin masiv”, tha ajo.
