Ish-deputeti i PD-së, Luçiano Boçi, shkruan se shefi i ri i rendit në Elbasan ka qenë për një kohë të gjatë badigardi i kryeministrit Rama.
Boçi ka publikuar disa foto të Armand Muçës nga e shkuara e tij si badigard, e më pas foto nga tubimi i fundit i opozitës në Elbasan, ku u prit me protesta kryeministri Rama.
Sipas Boçit, Muça ishte dhunuesi më aktiv në këtë protestë.
Postimi i Boçit:
BADIGARDI I RAMËS QË U BĒ SHEF
Dhunuesi më aktiv në protestën për ardhjen e Ramës në Elbasan, ishte shefi i ri i rendit.
I armatosur dhe me sjellje prej cubi, ai bërtiste dhe godiste këdo.
Kjo gjë shkaktoi një valë reagimesh aty, por dhe më pas në rrjet.
Po cili është ky personazh?
Është ARMAND MUÇA.
Për një kohë të gjatë ka qenë badigard i vetë Edi Ramës.
Pozon me armatim të rëndë dhe shpërndan faqet e Ramës.
E ç’pritet nga ky tipi?
Ka ardhur në Elbasan me mision.
Për protestat, por dhe për zgjedhjet që janë tek dera.
Kjo është policia e “depolitizuar” që heq kapelet për votat.
Sejmenët i janë turrur qytetarëve dhe zgjedhjeve.
