Ish-deputeti i Partisë Demokratike, Eduard Halimi, i cili pak kohë më parë njoftoi dorëzimin e mandatit të deputetit për një detyrë të re, kujton sot 6-vjetorin e ndarjes nga jeta të nenës së tij.
Me anë të një mesazhi të ndjerë, ai kujton njeriun me të dashur. Por, nga ana tjetër Halimi ka falënderuar dhe miqtë që i qëndruan pranë, në atë momente të vështira, ndërsa e ëma e tij po luftonte me sëmundjen e rëndë. Ai ka falënderua veçanërisht, ish-kryeministrin Sali Berisha, doktor me profesion.
Postimi i Halimit
6 vjet më parë, pas një beteje të gjatë me sëmundjen e rëndë, u nda nga jeta nëna ime e shtrenjtë, Taibe.
Jeta e saj ka qënë tejet e vështirë, mes punëve të vështira dhe rritjen e mundimshme të tre fëmijëve në një famije me “biografi të keqe” gjatë rregjimit të egër komunist e deri në humbjen e papritur të bashkëshortit në një moshë fare të re sapo rregjimi komunist rra.
Gjatë gjithë jetës ajo ka qënë një inspiruese dhe mbështetëse e jashtëzakonshme e gjithë vendimeve në karierën time. Ajo ka qënë një adhuruese e përjetshme e PD prej krijimit.
Ajo rriti me një edukim e dashuri të jashtëzakonshme tre fëmijët e saj dhe u kujdes kaq fort për 3 nipër e 2 mbesat deri ditën e fundit.
Beteja e gjatë me sëmundjen e rëndë ishte sfida e fundit, të cilën e përjetoi me një forcë e dinjitet të jashtëzakonshëm deri në momentet e fundit.
Në përkujtim të përvjetorit të saj sot dua të falenderoj në emrin tim, të motrës sime dhe vëllait tim, gjithë ata miq që na u gjendën gjatë betejës së gjatë dhe përpjekjeve për nënën tonë të shtrenjtë. Mirënjohje të thellë për Doktor Berishën i cili jo vetëm gjeti kohën (gjatë një ngarkese të fortë pune si Kryeministër në v.2008-2009) por dha mbështetjen e jashtëzakonshme me njohjet e tij me mjekët më të mirë në Europë të asaj sëmundje të rëndë.
Familja ime do i jetë mirënjohëse të gjithë mjekëve, miqve, shokëve dhe të afërmëve që ishin me ne, nga dita e parë e betejës deri në ditën e fundit të përcjelljes 6 vjet më parë të nënës tonë të shtrenjtë Taibe.
I përjetshëm qoftë kujtimi yt, e shtrenjta nënë.
