Përkundër lajmeve që qarkullonin në media, se ish-deputeti i PD-së, Bardh Spahia, ishte shpallur në kërkim për ngjarjet e së martës në KZAZ-në e Bashkisë Shkodër, vjen edhe një kundërpërgjigje nga vetë ai. Spahia është çuditur nga ky burim informacioni, ndërsa ka konfirmuar se asnjë efektiv policie nuk ka mbërritur në banesën e tij.
Në një intervistë që ka dhënë për “News 24”, Spahia ka thënë se është i vendosur për të vijuar aktivitetin e tij, në mbështetje të qytetarëve dhe se nuk ka ndërmend të shkojë vetë në polici për tu sqaruar.
Teksa Bardh Spahiu u lajmërua si në kërkim, ish-deputetja Dhurata Çupi u shoqërua për disa minuta në komisariatin e Matit. Ajo tha se u ndalua teksa po udhëtonte në makinë me kryetaren e FRPD të zonës.
Ish-deputetja e PD-së: Më shoqëruan dy të RENEA-s me automatikë, s’më dhanë shpjegime
