Ish-arbitri: Orsato i “dhuroi” fitoren Juventusit në derbi (Video)

Polemikat sa i përket gjykimit të ndeshjeve në Serie A, sa vjen dhe shtohen edhe pse aty është i pranishëm sistemi VAR(që supozohet ti minimizojë ato). Sërish gishti është drejtuar nga Juventusi, ku disa arbitra kanë “injoruar” VAR-in për të mos anuluar golat, që kanë rezultuar deçizivë për “zonjën e vjetër”.

Juventusi e fitoi derbin ndaj Torinos me rezultat 1-0, por ndeshja vazhdon të komentohet. Goli i vetëm në takim u shënua nga Alex Sandro, por që në fillimin e aksionit kishte një ndërhyrje ndaj Cristian Ansaldi nga Federico Bernardeschi.

Gjyqtari Daniele Orsato vendosi që loja të vazhdojë, por kjo shikohet si gabim nga ish-gjyqtari, Tiziano Pieri‏, i cili thotë se goli duhej anuluar.

“Që në fillim të aksionit që Alex Sandro shënoi golin e vetëm të kësaj sfide, kishte një faull që ndaj Ansaldit nga Bernardeschi. Kontrolli në heshtje i VAR-it sigurisht nuk ishte i mjaftueshëm. Orsato për mua është kampion, por sot nuk më ka bindur”, ka thënë Pieri për Rai Italia.